അധ്യാപിക കാറില്‍ മരിച്ച സംഭവം: ഫോറന്‍സിക് വിഭാഗം തെളിവെടുത്തു

author

മുക്കം: കാരശ്ശേരി ചുണ്ടത്തുപൊയിലില്‍ കെ.എം.എ.എ സ്​റ്റേറ്റിനു സമീപം സ്വകാര്യ ഇംഗ്ലീഷ് മീഡിയം സ്കൂള്‍ അധ്യാപികയെ കാറിനുള്ളില്‍ മരിച്ചനിലയില്‍ കണ്ടെത്തിയ സംഭവത്തില്‍ ജില്ല ഫോറന്‍സിക് ഓഫിസര്‍ എ. ഇസ്ഹാഖി‍െന്‍റ നേതൃത്വത്തിലുള്ള സംഘവും മുക്കം പൊലീസും വെള്ളിയാഴ്ച തെളിവെടുത്തു. വ്യാഴാഴ്ച വീട്ടില്‍നിന്ന് മുക്കം പൊലീസ്​ ആത്മഹത്യക്കുറിപ്പ് കണ്ടെടുത്തിരുന്നു. കാറി‍െന്‍റ ഉള്‍ഭാഗവും സീറ്റുകളും കത്തിയ ഭാഗങ്ങള്‍ പരിശോധിച്ചു.

സാക്ഷിമൊഴികള്‍ രേഖപ്പെടുത്തി. അധ്യാപിക കാറില്‍ സഞ്ചരിച്ചതും പെട്രോള്‍ പമ്ബില്‍വെച്ച്‌ പെട്രോള്‍ നിറച്ചതും പ്രദേശത്തെപ്പറ്റിയും വിശദമായി തെളിവുകള്‍ ശേഖരിച്ചിട്ടുണ്ട്. മക്കളുടെ പഠനവുമായി ബന്ധപ്പെട്ട് മാനസികസമ്മര്‍ദത്തിലായിരുന്നുവെന്നാണ്​ പൊലീസിന്​ ലഭിച്ച വിവരം. മരഞ്ചാട്ടി സ്വദേശി ബിജുവി​െന്‍റ ഭാര്യ ദീപ്തിയെ (45) ബധനാഴ്ച വൈകീട്ട് നാലു മണിയോെടയാണ് ചുണ്ടത്തുപൊയിലിലെ വിജനമായ സ്ഥലത്ത് കാറി​െന്‍റ ഡ്രൈവിങ് സീറ്റില്‍ പൊള്ളലേറ്റ​ു മരിച്ചനിലയില്‍ കണ്ടെത്തിയത്.

കാറില്‍നിന്ന് മണ്ണെണ്ണക്കുപ്പിയും തീപ്പെട്ടിയും പൊലീസ്​ കണ്ടെടുത്തിരുന്നു. സംഭവസ്ഥലം അധ്യാപികയുടെ വീടായ മരഞ്ചാട്ടി കൂമ്ബാറയില്‍നിന്ന് ഏകദേശം നാലു കിലോമീറ്ററോളം ദൂരത്താണ്​. വ്യാഴാഴ്​ച വിരലടയാള വിദഗ്ധരെത്തി കാറില്‍ നിന്നുള്ള തെളിവുകള്‍ ശേഖരിച്ചിരുന്നു. പോസ്​റ്റ്​മോര്‍ട്ടം റിപ്പോര്‍ട്ടും മറ്റു വിവരങ്ങളും പൊലീസ്​ പരിശോധിച്ചാണ് കേസ് അന്വേഷണം.

Leave a Reply

Your email address will not be published. Required fields are marked *

Next Post

കാഞ്ഞിരപ്പള്ളിവിട്ട് രാജ്യസഭയിലേക്കില്ല : എന്‍. ജയരാജ്

തിരുവനന്തപുരം: ജോസ് കെ. മാണി രാജിവെച്ച രാജ്യസഭാസീറ്റില്‍ കാഞ്ഞിരപ്പള്ളി എം.എല്‍.എ. എന്‍.ജയരാജിനെ മത്സരിപ്പിക്കുവാനുള്ള ആലോചന സജീവമായിരിക്കെ കാഞ്ഞിരപ്പള്ളി മണ്ഡലം വിട്ട് രാജ്യസഭയിലേക്കില്ലെന്ന തീരുമാനം ജയരാജ് പാര്‍ട്ടി ചെയര്‍മാന്‍ ജോസ്. കെ. മാണിയെ അറിയിച്ചു. കഴിഞ്ഞ ദിവസങ്ങളില്‍ മുഖ്യമന്ത്രി അടക്കമുള്ള എല്‍.ഡി.എഫ് നേതാക്കളെ കണ്ട ജോസ് കെ. മാണി എന്‍. ജയരാജിനെ രാജ്യസഭ സ്ഥാനാര്‍ത്ഥി ആക്കുവാനുള്ള സുചന നല്‍കിയെന്നാണ് വിവരം. കാഞ്ഞിരപ്പള്ളി സീറ്റ് സിപിഐ ക്ക് വിട്ടുകൊടുത്ത് പ്രശ്‌നങ്ങള്‍ ഇല്ലാതെ എല്‍.ഡി.എഫ് […]

Subscribe US Now