എറണാകുളം ജില്ലയില്‍ 60 വയസിനുമുകളില്‍ പ്രായമുള്ളവര്‍ക്ക് ചികിത്സയും ആവശ്യസാധനകളും ഇനി വീട്ടുപടിക്കല്‍ എത്തും

author

കൊച്ചി: എറണാകുളം ജില്ലയില്‍ ഇനിമുതല്‍ അറുപതുവയസിനുമുകളില്‍ പ്രായമുള്ളവര്‍ക്ക് ചികിത്സയും ആവശ്യസാധനകളും വീട്ടുപടിക്കല്‍ എത്തും. കോവിഡ് വ്യാപനത്തിന്റെ പശ്ചാത്തലത്തില്‍ ആണ് ജില്ലാഭരണകൂടം ഇത്തരത്തില്‍ ഒരു സൗകര്യം ഒരുക്കുന്നത്. പ്രായമേറിയവര്‍ക്കിടയില്‍ കോവിഡ് വ്യാപനം തടയുന്നതിനാണ് പുതിയ ക്രമീകരണം. ഇതിനായി ജില്ലയില്‍ പ്രത്യേക കാള്‍ സെന്റെര്‍ തുറക്കുകയും
ചെയ്തു. വിളിക്കുന്നവര്‍ക്ക് അവശ്യ വസ്തുക്കളും സേവനങ്ങളും വീട്ടു പടിക്കലെത്തും.

രാവിലെ ആറുമണിമുതല്‍ രാത്രി പത്തുമണിവരെ രണ്ടുഷിഫ്റ്റുകളിലായാണ് ഇതിന്റെ പ്രവര്‍ത്തനം. 20 പേരാണ് ഇതില്‍ പ്രവര്‍ത്തിക്കുന്നത്. അധ്യാപകര്‍, വിദ്യാര്‍ഥികള്‍, സന്നദ്ധ സേവകര്‍, കുടംബശ്രീ പ്രവര്‍ത്തകര്‍ എന്നിവര്‍ക്കാണ് ചുമതല. 0484 2753800 എന്ന നമ്ബറില്‍ വിളിച്ചാല്‍ സേവനം ലഭിക്കും.

ടെലിമെഡിസിന്‍ സേവനം ജില്ലാ ആരോഗ്യ വിഭാഗമാണ് ഏര്‍പ്പെടുത്തുക. വീടുകളില്‍ കഴിയുന്ന മുതിര്‍ന്ന പൗരന്മാരുടെ ആരോഗ്യ സ്ഥിതി വയോ മിത്രം യൂണിറ്റുകള്‍ പരിശോധിക്കും. കുടുംബശ്രീ വഴിയാണ് അവശ്യ സാധനങ്ങള്‍ വീടുകളിലേക്ക് എത്തിക്കുക.

Leave a Reply

Your email address will not be published. Required fields are marked *

Next Post

സ്വര്‍ണക്കടത്ത് കേസില്‍ ബിനീഷ് കോടിയേരിയെ എന്‍ഫോഴ്‌സ്‌മെന്റ് ഡയറക്ടറേറ്റ് ഇന്ന് ചോദ്യം ചെയ്യും.

കൊച്ചി : സ്വര്‍ണക്കടത്ത് കേസില്‍ ബിനീഷ് കോടിയേരിയെ എന്‍ഫോഴ്‌സ്‌മെന്റ് ഡയറക്ടറേറ്റ് ഇന്ന് ചോദ്യം ചെയ്യും. കൊച്ചിയിലെ എന്‍ഫോഴ്‌സ്‌മെന്റ് ഡയറക്ടറേറ്റ് ഓഫീസില്‍ ഹാജരാകാന്‍ ബിനീഷിന് അന്വേഷണസംഘം നോട്ടീസ് നല്‍കി. രാവിലെ പതിനൊന്നുമണിക്ക് ഹാജരാകാനാണ് നോട്ടീസ് നല്‍കിയത്. ബിനീഷിന് പങ്കാളിത്തമുള്ള കമ്ബനികള്‍ കേന്ദ്രീകരിച്ചുള്ള അന്വേഷണത്തിനിടെയാണ്‌ നിര്‍ണായക നീക്കം മൂന്നു കമ്ബനികളുമായി ബന്ധപ്പെട്ടുയര്‍ന്ന ആരോപണങ്ങളെ തുടര്‍ന്നാണ് ബിനീഷ് കോടിയേരി എന്‍ഫോഴ്‌സ്‌മെന്റ് ഡയറക്ടറേറ്റിന്റെ സംശയ നിഴലില്‍ വന്നത്. 2018 ല്‍ തുടങ്ങിയ യു എഎഫ് എക്സ് സൊല്യൂഷന്‍സണ്‍സ്. […]

Subscribe US Now