ഒന്നും ചെയ്യാതെ ആത്മപരിശോധനയെക്കുറിച്ച്‌ പറയുന്നതെന്തിന്; കപില്‍ സിബലിനെതിരേ രൂക്ഷവിമര്‍ശനവുമായി അധിര്‍ രഞ്ജന്‍ ചൗധരി

author

ന്യൂഡല്‍ഹി: ബിഹാര്‍ തിരഞ്ഞെടുപ്പിലും ഉപതിരഞ്ഞെടുപ്പുകളിലുമുണ്ടായ തോല്‍വിയുടെ പശ്ചാത്തലത്തില്‍ കോണ്‍ഗ്രസ് സ്വയം വിമര്‍ശനാത്മകായി ചിന്തിക്കണമെന്ന മുതിര്‍ന്ന കോണ്‍ഗ്രസ് നേതാവ് കപില്‍ സിബലിന്റെ അഭിപ്രായപ്രകടനത്തിനെതിരേ രൂക്ഷവിമര്‍ശനവുമായി കോണ്‍ഗ്രസ് ലോക്‌സഭാ കക്ഷി നേതാവ് അധിര്‍ രഞ്ജന്‍ ചൗധരി. ഒന്നും ചെയ്യാതെ വെറുതെ ആത്മപരിശോധന നടത്തണമെന്ന് മാത്രം പറയുന്നതില്‍ എന്ത് അര്‍ഥമാണുള്ളതെന്ന് അധിര്‍ രഞ്ജന്‍ ചോദിച്ചു.

കോണ്‍ഗ്രസ് പാര്‍ട്ടിയെക്കുറിച്ചും ആത്മപരിശോധനയുടെ ആവശ്യകതയെക്കുറിച്ചും അദ്ദേഹത്തിന് വളരെയധികം ആശങ്കയുണ്ടെന്ന് തോന്നുന്നു. കപില്‍ സിബല്‍ ഇതിനെക്കുറിച്ച്‌ മുമ്ബും സംസാരിച്ചിരുന്നു. എന്നാല്‍, ബിഹാര്‍, മധ്യപ്രദേശ്, ഉത്തര്‍പ്രദേശ്, ഗുജറാത്ത് തിരഞ്ഞെടുപ്പുകളിലെ പ്രചാരണരംഗത്തൊന്നും അദ്ദേഹത്തിന്റെ മുഖം കണ്ടില്ല. കപില്‍ സിബല്‍ ബിഹാറിലേക്കും മധ്യപ്രദേശിലേക്കും പോയിരുന്നുവെങ്കില്‍, താന്‍ പറയുന്നത് ശരിയാണെന്നും കോണ്‍ഗ്രസിന്റെ നിലപാട് ശക്തിപ്പെടുത്തണമെന്നും അദ്ദേഹത്തിന് വാദിക്കാമായിരുന്നു.

സംസാരംകൊണ്ട് ഒന്നും നേടാനാവില്ല. ഒന്നും ചെയ്യാതെ സംസാരിക്കുന്നത് ആത്മപരിശോധനയല്ല അര്‍ഥമാക്കുന്നത്- ചൗധരി കൂട്ടിച്ചേര്‍ത്തു. ഒരു പ്രമുഖ ദിനപത്രത്തിന് നല്‍കിയ അഭിമുഖത്തിലാണ് ബിഹാര്‍ നിയമസഭാ തിരഞ്ഞെടുപ്പിന്റെയും മധ്യപ്രദേശ് ഉപതിരഞ്ഞെടുപ്പിന്റെയും ഫലങ്ങളുടെ വെളിച്ചത്തില്‍ പാര്‍ട്ടിക്കുള്ളില്‍ ആത്മപരിശോധന നടത്തേണ്ടതിന്റെ ആവശ്യകതയെക്കുറിച്ച്‌ കപില്‍ സിബല്‍ ചോദ്യങ്ങളുന്നയിച്ചത്. ബിഹാറിലും ഉപതിരഞ്ഞെടുപ്പ് നടന്ന സ്ഥലങ്ങളിലും ബിജെപിക്കെതിരേ ”ഫലപ്രദമായ ബദലായി” കോണ്‍ഗ്രസിനെ കരുതുന്നില്ലെന്നും സിബല്‍ വിമര്‍ശിച്ചിരുന്നു.

Leave a Reply

Your email address will not be published. Required fields are marked *

Next Post

സ്വര്‍ണവില പവന് 240 കുറഞ്ഞ് 37,840 രൂപയായി

കേരളത്തില്‍ സ്വര്‍ണവിലയില്‍ ചാഞ്ചാട്ടം തുടരുന്നു. ബുധനാഴ്ച പവന്റെ വില 240 രൂപ കുറഞ്ഞ് 37,840 രൂപയായി. 4730 രൂപയാണ് ഗ്രാമിന്റെ വില. ആഗോള വിപണിയിലെ വിലക്കുറവാണ് ആഭ്യന്തര വിപണിയിലും പ്രതിഫലിച്ചത്. തുടര്‍ച്ചയായി മൂന്നാമത്തെ ദിവസമാണ് അന്തര്‍ദേശീയ വിപണിയില്‍ സ്വര്‍ണവില കുറയുന്നത്. ഔണ്‍സിന് 1,876.85 ഡോളര്‍ നിലവാരത്തിലാണ് സ്‌പോട്ട് ഗോള്‍ഡ് വില. ദേശീയ വിപണിയില്‍ 10 ഗ്രാം തനിത്തങ്കത്തിന്റെ വില 0.43ശതമാനംകുറഞ്ഞ് 50,546 രൂപയിലെത്തി. സമാനമായ വിലയിടിവ് വെള്ളിവിലയിലും രേഖപ്പെടുത്തിയിട്ടുണ്ട്.

You May Like

Subscribe US Now