നാഗ്പൂരില്‍നിന്ന്​ അരിലോറിയില്‍ കടത്താന്‍ ശ്രമിച്ച 1. 38 കോടി രൂപ പിടികൂടി

author

കുറ്റിപ്പുറം: നാഗ്പൂരില്‍നിന്ന്​ അരിലോറിയില്‍ കടത്താന്‍ ശ്രമിച്ച 1,38,50,000 രൂപ രഹസ്യവിവരത്തെ തുടര്‍ന്ന് തവനൂരില്‍ എക്‌സൈസ് എന്‍ഫോഴ്സ്മെന്‍റ് പിടികൂടി. ലോറി ഡ്രൈവര്‍ തൃപ്രങ്ങോട് സ്വദേശി വെള്ളിയപ്പറമ്ബില്‍ വൈശാഖിനെ (30) കസ്​റ്റഡിയിലെടുത്തു. ലോറിയില്‍ പ്രത്യേകം തയാറാക്കിയ രണ്ട് അറകളിലായാണ് പണം ഒളിപ്പിച്ചുകടത്താന്‍ ശ്രമിച്ചത്.

നാഗ്പൂരിലുള്ള ഷിനോ എന്നയാള്‍ ചാലിശ്ശേരിയിലുള്ള സഹോദരന്‍ ഷിജോയ്ക്ക് നല്‍കാനാണ് പണം അയച്ചത്. 25ഓളം ടണ്‍ ഭക്ഷ്യവസ്തുക്കളാണ് ലോറിയിലുണ്ടായിരുന്നത്. രഹസ്യവിവരത്തെ തുടര്‍ന്ന് വാഹനം പിന്തുടര്‍ന്ന എന്‍ഫോഴ്സ്മെന്‍റ് സംഘം എടപ്പാള്‍ കുറ്റിപ്പാലയില്‍ ലോറി തടഞ്ഞു. പിന്നീട്​ ലോറി തവനൂര്‍ കൂരടയില്‍ എത്തിച്ച്‌ ലോഡിറക്കി നോക്കിയപ്പോഴാണ് രഹസ്യ അറകള്‍ കണ്ടെത്തിയത്. കാലങ്ങളായി സംഘം ഹവാല ഇടപാടിലും നികുതി ടാക്സ് വെട്ടിച്ചും പണം കേരളത്തിലേക്ക് കടത്താറുണ്ടെന്ന് അന്വേഷണ സംഘം പറഞ്ഞു.

സ്​റ്റേറ്റ് എക്സൈസ് എന്‍ഫോഴ്സ്മെന്‍റ് സി.ഐ അനില്‍കുമാറി​െന്‍റ നേതൃത്വത്തിലാണ് പരിശോധന നടത്തിയത്. പിടിച്ചെടുത്ത തുക കുറ്റിപ്പുറം സി.ഐ ശശീന്ദ്രന്‍ മേലയിലിന് കൈമാറിയിട്ടുണ്ട്. ആദായ നികുതി വകുപ്പിന്​ വിവരങ്ങള്‍ കൈമാറിയതായി അന്വേഷണ സംഘം പറഞ്ഞു.

Leave a Reply

Your email address will not be published. Required fields are marked *

Next Post

അഴീക്കോട്ടെ പരമ്ബരാഗത മത്സ്യത്തൊഴിലാളികള്‍ക്ക് കടലിലിറങ്ങാം

എറിയാട്: കോവിഡ് വ്യാപനം കുറഞ്ഞതിനെ തുടര്‍ന്ന് അഴീക്കോട്ടെ പരമ്ബരാഗത മത്സ്യത്തൊഴിലാളികള്‍ക്ക് മത്സ്യബന്ധനത്തിന് പഞ്ചായത്ത് അനുമതി നല്‍കി. മത്സ്യവില്‍പന നടക്കുന്ന അഴീക്കോട് ജെട്ടി ഉള്‍പ്പെടെയുള്ള ചില വാര്‍ഡുകളില്‍ ട്രിപ്ള്‍ ലോക്ഡൗണും കണ്ടെയ്ന്‍മെന്‍റ് സോണും പിന്‍വലിച്ച്‌ ഉത്തരവായ സാഹചര്യത്തിലാണ് പരമ്ബരാഗത മത്സ്യത്തൊഴിലാളികള്‍ക്ക് മത്സ്യബന്ധനം പുനാരാരംഭിക്കാന്‍ പഞ്ചായത്ത് അടിയന്തര യോഗം അനുമതി നല്‍കിയത്. ഇതേതുടര്‍ന്ന് ചൊവ്വാഴ്ച മുതല്‍ തീരദേശത്ത് മത്സ്യവില്‍പന പുനരാരംഭിച്ചു. നേരത്തേ ഉണ്ടായിരുന്നതുപോലെ ലേലം ഒഴിവാക്കിയും ചെറുകിട കച്ചവടക്കാര്‍ക്ക് മൊത്തക്കച്ചവടക്കാര്‍ വഴിയുമാണ് വില്‍പന […]

You May Like

Subscribe US Now