പരിശോധനാഫലങ്ങള്‍ വൈകുന്നു. സംസ്ഥാനത്ത് ആര്‍.ടി.പി.സി.ആറിനും പകരം ആന്റിജന്‍ പരിശോധന വ്യാപകമാക്കും

author

കൊച്ചി: സംസ്ഥാനത്ത് ആന്റിജന്‍ പരിശോധന വ്യാപകമാക്കുന്നു. മുന്‍ഗണനപ്രകാരമുള്ള പരിശോധനയ്ക്കും ആര്‍.ടി.പി.സി.ആറിനും പകരം ആന്റിജന്‍ പരിശോധന നടത്തും. പരിശോധനാഫലങ്ങള്‍ വൈകുന്നതിനാലാണിത്.

24 മുതല്‍ 48 വരെ മണിക്കൂറാണ് ഫലമെത്താന്‍ കണക്കാക്കുന്ന സമയം. എന്നാല്‍, ഒരാഴ്ചയോളം ഫലം കാത്തിരിക്കുന്ന സംഭവങ്ങളും ഉണ്ടായിട്ടുണ്ട്. ഇക്കാലത്ത് രോഗം സംശയിക്കുന്നവര്‍ ക്വാറന്റീന്‍ നിയമങ്ങള്‍ പാലിക്കാത്തതും ആരോഗ്യവകുപ്പിന്റെ ശ്രദ്ധയില്‍പ്പെട്ടിരുന്നു. ആന്റിജന്‍ പരിശോധനയില്‍ ഉടന്‍ ഫലം ലഭിക്കും. എന്നാല്‍, ആന്റിജന്‍ പരിശോധന നെഗറ്റീവായി എന്നതിനാല്‍ വ്യക്തിക്ക് പൂര്‍ണമായും ക്വാറന്റീന്‍ ഒഴിവാക്കാനാവില്ല.

രോഗികളെ കണ്ടെത്താന്‍ വേഗം സഹായിക്കുമെന്നതു മാത്രമാണ് ഇതിന്റെ മെച്ചം. ആന്റിജന്‍ പരിശോധന നെഗറ്റീവായവര്‍ ക്വാറന്റീന്‍ കാലാവധി പൂര്‍ത്തിയാക്കുകയും തുടര്‍ന്ന് ആര്‍.ടി.പി.സി.ആര്‍. പരിശോധന നടത്തുകയും വേണമെന്നും അധികൃതര്‍ പറയുന്നു.

ആന്റിജന്‍ പരിശോധനയ്ക്ക് 625 രൂപയും ആര്‍.ടി.പി.സി.ആറിന് 2750 രൂപയും ചെലവാകും. ചെലവ് കുറയുന്നത് പരിശോധനയ്ക്ക് കൂടുതല്‍ ആളുകള്‍ മുന്നോട്ടുവരാന്‍ സഹായിക്കുമെന്നും അധികൃതര്‍ പറയുന്നു. പഞ്ചായത്ത് തലത്തില്‍ വരുംദിവസങ്ങളില്‍ കൂടുതല്‍ ആന്റിജന്‍ പരിശോധന നടത്തുമെന്നും അധികൃതര്‍ വ്യക്തമാക്കി.

Leave a Reply

Your email address will not be published. Required fields are marked *

Next Post

ഓണക്കിറ്റിലെ ശര്‍ക്കര കൃത്രിമമായുണ്ടാക്കിയ നിറം ചേര്‍ത്ത് തയ്യാറാക്കിയതെന്ന് ലാബ് റിപ്പോര്‍ട്ട്

ആലപ്പുഴ : ഓണക്കിറ്റിലെ ശര്‍ക്കരയ്ക്ക് ഗുണനിലവാരമില്ലെന്ന വിജിലന്‍സ് കണ്ടെത്തല്‍ ശരിയെന്ന് തെളിഞ്ഞു. കൃത്രിമമായുണ്ടാക്കിയ നിറം ചേര്‍ത്ത് തയ്യാറാക്കിയ ശര്‍ക്കരയാണ് വിതരണംചെയ്തതെന്ന് കോന്നിയിലെ കൗണ്‍സില്‍ ഫോര്‍ ഫുഡ് റിസര്‍ച്ച്‌ ആന്‍ഡ് ഡെലവപ്മെന്റ് കേരളലാബില്‍ നടത്തിയ പരിശോധനയില്‍ വ്യക്തമായി. തളിപ്പറമ്ബ്, കൊയിലാണ്ടി, നോര്‍ത്ത് പറവൂര്‍, പുനലൂര്‍, തലശ്ശേരി തുടങ്ങി വിവിധ സപ്ലൈകോ ഡിപ്പോ പരിധിയില്‍നിന്ന് ശേഖരിച്ച സാംപിളുകളാണ് പരിശോധനാഫലത്തില്‍ കൃത്രിമനിറം ചേര്‍ത്തതായി കണ്ടെത്തിയത്. ശര്‍ക്കരയില്‍ തൂക്കക്കുറവുണ്ടെന്ന പരാതിയെത്തുടര്‍ന്ന് കഴിഞ്ഞയാഴ്ച വിജിലന്‍സ് സംസ്ഥാനമൊട്ടാകെ ഓണക്കിറ്റ് […]

Subscribe US Now