വനംവകുപ്പിനെ പ്രതിക്കൂട്ടിലാക്കിയ മത്തായിയുടെ മരണം ; കേസ് സിബിഐ ഏറ്റെടുത്തു

author

പത്തനംതിട്ട : വനംവകുപ്പിനെ പ്രതിക്കൂട്ടിലാക്കിയ പത്തനംതിട്ട ചിറ്റാറിലെ മത്തായിയുടെ മരണം സംബന്ധിച്ച കേസ് സിബിഐ ഏറ്റെടുത്തു. കേസ് ഏറ്റെടുക്കുന്നതിന്‍്റെ ഭാഗമായി സിബിഐ തിരുവനന്തപുരം യൂണിറ്റ് പോലീസില്‍ നിന്ന് കേസ് ഫയലുകള്‍ ഏറ്റുവാങ്ങി. ദൂതന്‍ വഴിയാണ് കേസ് ഡയറി സിബിഐക്ക് കൈമാറിയത്.

ചിറ്റാറിലെ മത്തായിയുടെ മരണത്തില്‍ സിബിഐ അന്വേഷണത്തിന് കഴിഞ്ഞ ദിവസം ഹൈക്കോടതി ഉത്തരവിട്ടിരുന്നു. ഇതിന്‍്റെ പശ്ചാത്തലത്തില്‍ ആണ് സി- ബ്രാഞ്ച് സംഘം കേസ് ഡയറി സിബിഐയ്ക്ക് കൈമാറിയത്. പ്രത്യേക ദൂതന്‍ മുഖേന തിരുവനന്തപുരത്തെ ഹെഡ്ക്വാര്‍ട്ടേഴ്സ് ഓഫിസില്‍ എത്തിക്കുകയlയിരുന്നു. കേസ് അന്വേഷണത്തിന്‍്റെ നിലവിലെ വിശദാംശങ്ങള്‍ സിബിഐ സംഘം വിലയിരുത്തും.

രണ്ടു ദിവസത്തിനകം എഫ് ഐ ആര്‍ രജിസ്റ്റര്‍ ചെയ്യുമെന്നാണ് വിവരം. പ്രാഥമിക റിപ്പോര്‍ട്ട് തിരുവനന്തപുരം സിജെഎം കോടതിയ്ക്കാണ് കൈമാറുക. പോലീസ് ആരെയും പ്രതിചേര്‍ത്തിട്ടില്ലാത്തതിനാല്‍ സിബിഐ എഫ്‌ഐആറിലും പ്രതികളുണ്ടാകാന്‍ ഇടയില്ല. പിന്നീടുള്ള അന്വേഷണ ഘട്ടത്തില്‍ മാത്രമേ പ്രതി പട്ടിക തയ്യറാക്കുകയുള്ളു. റീ- പോസ്റ്റുമോര്‍ട്ടം നടത്തണമെന്ന മത്തായിയുടെ കുടുംബത്തിന്‍്റെ ആവശ്യം സിബിഐ സംഘം തള്ളിക്കളഞ്ഞിട്ടില്ല. വീണ്ടും പോസ്റ്റുമോര്‍ട്ടം വേണ്ടി വന്നാല്‍ വിദഗ്ധ ഡോക്ടര്‍മാരുടെ പാനലില്‍ സിബിഐ ഉദ്യോഗസ്ഥര്‍ നിര്‍ദേശിക്കുന്ന സംസ്ഥാനത്തിന് പുറത്തു നിന്നുള്ള ഡോക്ടര്‍മാരെയും ഉള്‍പ്പെടുത്തും.

Leave a Reply

Your email address will not be published. Required fields are marked *

Next Post

തിരുവനന്തപുരം അന്താരാഷ്ട്ര വിമാനത്താവളം: വിവാദങ്ങളിലേക്ക് വലിച്ചിഴക്കരുതെന്ന് എം എ യുസുഫലി

കോഴിക്കോട്: തിരുവനന്തപുരം അന്താരാഷ്ട്ര വിമാനത്താവളം സ്വകാര്യവല്‍ക്കരിക്കുന്നതുമായി ബന്ധപ്പെട്ട് നടക്കുന്ന വിവാദത്തില്‍ തനിക്ക് ഒരു ബന്ധവുമില്ലെന്നും തന്റെ പേര് വലിച്ചിഴയ്ക്കരുതെന്നും ലുലു ഗ്രൂപ്പ് ചെയര്‍മാന്‍ എം എ യൂസഫലി. വിമാനത്താവളം നടത്തിപ്പുചുമതല കിട്ടാന്‍ അപേക്ഷിച്ചിട്ടില്ല. വിമാനത്താവളത്തിന്റെ നടത്തിപ്പ് അദാനി ഗ്രൂപ്പിന് നല്‍കാനുള്ള തീരുമാനം കേന്ദ്രസര്‍ക്കാരിന്റേതാണ്. ഇതിനെതിരേയുള്ള കേരളസര്‍ക്കാരിന്റെ നിലപാടുമായും തനിക്ക് ബന്ധമൊന്നുമില്ല. എന്നിട്ടും ഇതുസംബന്ധിച്ച്‌ നടക്കുന്ന കേന്ദ്ര-കേരള തര്‍ക്കത്തിലേക്ക് എന്നിട്ടും തന്റെ പേര് വലിച്ചിഴക്കുന്നതിന്റെ യുക്തി മനസ്സിലാകുന്നില്ലെന്ന് സൂംവഴി നടത്തിയ വാര്‍ത്താസമ്മേളനത്തില്‍ യൂസഫലി […]

You May Like

Subscribe US Now