മുംബൈ: 5000 രൂപയില്‍ താഴെ വിലയ്ക്ക് റിലയന്‍സ് ജിയോയുടെ 5 ജി സ്മാര്‍ട്ട് ഫോണുകള്‍ ഇറങ്ങുമെന്ന് റിപ്പോര്‍ട്ട്. 5 ജി സ്മാര്‍ട്ട് ഫോണുകള്‍ക്ക് തുടക്കത്തില്‍ 5000 രൂപ ആയിരിക്കുമെങ്കിലും പിന്നീട് വില 2500 രൂപ വരെ താഴാന്‍ സാധ്യതയുണ്ടെന്നാണ് വിവരം.
വിപണിയില്‍ ഫോണിന്റെ സ്വീകാര്യത അനുസരിച്ചായിരിക്കും വില കുറയുന്നത്. 2 ജി നെറ്റ്‌വര്‍ക്കിലെ 200 മുതല്‍ 300 ദശലക്ഷം വരെ ഉപഭോക്താക്കളെ തങ്ങളുടെ ഭാഗമാക്കാനാണ് ജിയോ ശ്രമിക്കുന്നത്. രാജ്യത്ത് നിലവില്‍ വില്‍ക്കുന്ന 5 ജി സ്മാര്‍ട്ട് ഫോണുകള്‍ക്ക് 27,000 രൂപ മുതലാണ് വില.
നിലവില്‍ രാജ്യത്തെ 350 ദശലക്ഷം പേര്‍ ഉപയോഗിക്കുന്നത് 2 ഫീച്ചര്‍ ഫോണുകളാണ്. ഇന്ത്യയില്‍ 5 ജി സേവനങ്ങള്‍ ലഭ്യമായിട്ടില്ല. ഈ സാഹചര്യത്തില്‍ തങ്ങളുടെ 5 ജി നെറ്റ്‌വര്‍ക്ക് ശൃംഖല രാജ്യമെമ്ബാടും വ്യാപിപ്പിക്കാനാണ് ജിയോയുടെ ശ്രമം.
