തിരുവനന്തപുരം/കൊച്ചി/കോഴിക്കോട്: തദ്ദേശ തിരഞ്ഞെടുപ്പ് ഫലം പുറത്തുവരുമ്ബോള്‍ കോര്‍പറേഷനുകളില്‍ കടുത്ത പോരാട്ടം. വോട്ടെണ്ണല്‍ ആദ്യ അരമണിക്കൂര്‍ പൂര്‍ത്തിയാകുമ്ബോള്‍ എല്‍ഡിഎഫ് മുന്നേറ്റം. നാല് കോര്‍പറേഷനുകളില്‍ എല്‍ഡിഎഫ് ലീഡ് ചെയ്യുമ്ബോള്‍ രണ്ട് കോര്‍പറേഷനുകളില്‍ യുഡിഎഫ് ലീഡ് ചെയ്യുന്നു. തിരുവനന്തപുരം, കോഴിക്കോട്, കണ്ണൂര്‍, കൊല്ലം കോര്‍പറേഷനുകളിലാണ് ഇടത് മുന്നേറ്റം. കൊച്ചി, തൃശൂര്‍ എന്നീ കോര്‍പറേഷനുകളിലാണ് യുഡിഎഫ് മുന്നേറ്റം. ഏത് മണിക്കൂറിലും ഈ ഫലങ്ങള്‍ മാറിമറിയും. 2015 ല്‍ അഞ്ച് കോര്‍പറേഷനുകള്‍ എല്‍ഡിഎഫിനൊപ്പവും ഒരു കോര്‍പറേഷന്‍ യുഡിഎഫിനൊപ്പവുമായിരുന്നു.
