തെരഞ്ഞെടുപ്പില്‍ രാഷ്ട്രീയത്തിന് പകരം ആരോപണങ്ങളാണ് യു.ഡി.എഫ് ഉന്നയിച്ചത്- വിജയരാഘവന്‍

author

തിരുവനന്തപുരം: തദ്ദേശ തിരഞ്ഞെടുപ്പിനെ രാഷ്ട്രീയതലത്തിലേക്ക് ഉയര്‍ത്താന്‍ ഇടതുമുന്നണി പരിശ്രമിച്ചുവെന്ന് സി.പി.എം സംസ്ഥാന സെക്രട്ടറിയും എല്‍.ഡി.എഫ് കണ്‍വീനറുമായ എ.വിജയരാഘവന്‍. തെരഞ്ഞെടുപ്പ് പ്രചാരണത്തില്‍ യു.ഡി.എഫ് രാഷ്ട്രീയത്തിന് പകരം ആരോപണങ്ങളാണ് സംസാരിച്ചത്. ബി.ജെ.പി പ്രചാരണങ്ങളില്‍ ഉള്‍പ്പടെ പണക്കൊഴുപ്പ് കാണിച്ചു.

രാഷ്ട്രീയം പറയാതെ ഒറ്റപ്പെട്ട ചില വിവാദ വിഷയങ്ങള്‍ക്ക് ചുറ്റും തങ്ങളുടെ പ്രചരണത്തെ കേന്ദ്രീകരിപ്പിക്കാനാണ് പ്രതിപക്ഷം ശ്രമിച്ചത്. ഹിന്ദു തീവ്ര വര്‍ഗ്ഗീയ വാദത്തോടും ഇസ്ലാമിക മതമൗലിക വാദത്തോടും യു.ഡി.എഫ് സന്ധി ചെയ്തുവെന്നും അദ്ദേഹം പറഞ്ഞു.

ജോസ് കെ. മാണിയുടെ വരവ് തെരഞ്ഞെടുപ്പില്‍ ഗുണം ചെയ്യും. തിരുവനന്തപുരം കോര്‍പ്പറേഷന്‍ ബിജെപി പിടിക്കില്ല. എന്‍.സി.പിയുടെ അതൃപ്തി എല്‍.ഡി.എഫില്‍ ചര്‍ച്ചയായിട്ടില്ലെന്നും വിജയരാഘവന്‍ പറഞ്ഞു.

എല്ലാ കാലത്തും ഇടതുപക്ഷ സര്‍ക്കാരുകള്‍ക്കെതിരെ വ്യാജപ്രചാരണങ്ങള്‍ ഉണ്ടായിട്ടുണ്ട്. പിശക് ആരുടെ ഭാഗത്ത് നിന്ന് വന്നാലും കര്‍ക്കശ്യമുള്ള നിലപാടാണ് ഇടതുമുന്നണി സ്വീകരിച്ചിട്ടുള്ളത്. ഇതിന്റെ ഫലമായി യു.ഡി.എഫ് തോല്‍ക്കുമെന്നും എല്‍.ഡി.എഫ് ജയിക്കുമെന്നും ഉറപ്പാണെന്നും വിജയരാഘവന്‍ പറഞ്ഞു.

Leave a Reply

Your email address will not be published. Required fields are marked *

Next Post

നടി ആക്രമിക്കപ്പെട്ട സംഭവം; സംസ്ഥാന സര്‍ക്കാര്‍ സമര്‍പ്പിച്ച ഹര്‍ജി ഇന്ന് സുപ്രിംകോടതി പരിഗണിക്കും

കൊച്ചി; വിവാദമായ നടിയെ ആക്രമിച്ച കേസില്‍ വിചാരണ കോടതി ജഡ്ജിയെ മാറ്റണമെന്നാവശ്യപ്പെട്ട ആവശ്യം തള്ളിയ ഹൈക്കോടതി വിധി ചോദ്യം ചെയ്ത് സംസ്ഥാന സര്‍ക്കാര്‍ സമര്‍പ്പിച്ച ഹര്‍ജി ഇന്ന് സുപ്രിംകോടതിയുടെ പരിഗണനക്ക്. കൂടാതെ വിചാരണ കോടതി ജഡ്ജിയെ മാറ്റണമെന്ന് സര്‍ക്കാരും നടിയും ആവശ്യപ്പെട്ടിരുന്നു. എന്നാല്‍ ഈ ആവശ്യം കേരളം ഹൈക്കോടതി തള്ളുകയായിരുന്നു. ഹൈക്കോടതിയുടെ ഈ വാദം ചോദ്യം ചെയ്താണ് സംസ്ഥാന സര്‍ക്കാര്‍ ഹര്‍ജി നല്‍കിയിരിക്കുന്നത്. എന്നാല്‍ വിചാരണ കോടതി ജഡ്ജി ഏകപക്ഷീയമായാണ് […]

You May Like

Subscribe US Now