ദുബൈ: ലഹരിമരുന്നുമായി ബന്ധപ്പെട്ട പണമിടപാട് കേസില്‍ അറസ്റ്റിലായ, സി.പി.എം സംസ്ഥാന സെക്രട്ടറി കോടിയേരി ബാലകൃഷ്ണെന്‍റ മകന്‍ ബിനീഷ് കോടിയേരിയും സഹോദരന്‍ ബിനോയിയും നേരത്തേ ദുബൈയിലും നോട്ടപ്പുള്ളികള്‍.
അരഡസനിലേറെ സാമ്ബത്തിക തട്ടിപ്പുകേസുകളാണ് ബിനീഷിനും ബിനോയിക്കും യു.എ.ഇയില്‍ ഉണ്ടായിരുന്നത്. നാട്ടിലും യു.എ.ഇയിലുമുള്ള പ്രമുഖരുടെ ഇടപെടലിനിടെ ബാധ്യതകള്‍ തീര്‍ത്ത് രണ്ടു വര്‍ഷം മുമ്ബ് കേസുകള്‍ ഒത്തുതീര്‍പ്പാക്കുകയായിരുന്നു.
ദുബൈയിലെ വിവിധ സ്റ്റേഷനുകളിലായി അരകോടിയോളം രൂപയുടെ കേസുകളാണ് ബിനീഷിനുണ്ടായിരുന്നത്. 2015 ആഗസ്റ്റില്‍ 40 ലക്ഷം രൂപ തിരിച്ചുനല്‍കാത്ത കേസ് ബര്‍ദുബൈ പൊലീസ് സ്റ്റേഷനില്‍ രജിസ്റ്റര്‍ ചെയ്തിരുന്നു. ഈ കേസില്‍ രണ്ടു മാസം തടവിന് ശിക്ഷിച്ചെങ്കിലും ഇതിന് മുന്നേ ബിനീഷ് നാട്ടിലേക്ക് മുങ്ങി. ദുബൈ ഫസ്റ്റ് ഗള്‍ഫ് ബാങ്കില്‍നിന്ന് വായ്പ എടുത്ത് തിരിച്ചടക്കാത്തതിന് അല്‍ ബര്‍ഷ സ്റ്റേഷനിലും സ്വകാര്യ ക്രെഡിറ്റ് കാര്‍ഡ് കമ്ബനിയെ കബളിപ്പിച്ചതിന് ഖിസൈസ് സ്റ്റേഷനിലും കേസുകളുണ്ടായിരുന്നു. മറ്റു ചില സ്റ്റേഷനുകളില്‍ ബിനീഷിനെതിരെ ചെക്ക് തട്ടിപ്പ് പരാതിയും എത്തിയിരുന്നു. ഈ കേസുകളെല്ലാം പണം മടക്കി നല്‍കി ഒത്തുതീര്‍പ്പാക്കി.
ബിനോയിക്കെതിരെ 13 കോടിയുടെ ചെക്ക് തട്ടിപ്പ് കേസാണ് യു.എ.ഇയില്‍ ഉണ്ടായിരുന്നത്. ഇൗ സമയത്ത് ദുബൈയിലുണ്ടായിരുന്ന ബിനോയിക്ക് യാത്ര വിലക്ക് ഏര്‍പ്പെടുത്തി. എന്നാല്‍, ഉന്നതരുടെ മധ്യസ്ഥതയില്‍ പണത്തിെന്‍റ നിശ്ചിത ശതമാനം നല്‍കി ഒത്തുതീര്‍പ്പാക്കുകയായിരുന്നു. ബിനോയി വിവാഹ വാഗ്ദാനം നല്‍കി വഞ്ചിച്ചുവെന്ന കേസിെന്‍റ തുടക്കവും ദുബൈയില്‍ നിന്നായിരുന്നു.
ദുബൈയില്‍ ഡാന്‍സ് ബാറില്‍ ജോലി ചെയ്യുന്നതിനിടെ ബിനോയ് വിവാഹ വാഗ്ദാനം നല്‍കി പീഡിപ്പിച്ചതായി ബിഹാര്‍ സ്വദേശിനി മുംബൈ പൊലീസില്‍ പരാതി നല്‍കിയിരുന്നു. ഇതുമായി ബന്ധപ്പെട്ട് ദുബൈയില്‍ കേസുകളില്ല.
