ന്യൂഡല്‍ഹി: പെരിയ ഇരട്ടക്കൊല കേസില്‍ സംസ്ഥാന സര്‍ക്കാരിന്റെ ഹര്‍ജി സുപ്രീം കോടതിയുടെ ഇന്ന് വീണ്ടും പരിഗണിക്കും. അന്വേഷണത്തില്‍ സിബിഐ സത്യവാങ് മൂലം സമര്‍പ്പിച്ചിരുന്നില്ല. ഈ സാഹചര്യത്തില്‍ അന്വേഷണം സംബന്ധിച്ച്‌ സിബിഐ യുടെ നിലപാട് സുപ്രിംകോടതി തേടിയിരുന്നു.
പെരിയവ ഇരട്ടക്കൊല കേസില്‍ സിബിഐ അന്വേഷണം ആരംഭിച്ചിട്ടുണ്ടെങ്കില്‍ ഇടപെടില്ലെന്ന് കഴിഞ്ഞ പ്രാവശ്യം സുപ്രീംകോടതി ചൂണ്ടിക്കാട്ടിയിരുന്നു . ഹൈക്കോടതി വിധി ചോദ്യം ചെയ്ത് സര്‍ക്കാര്‍ സുപ്രീംകോടതിയെ കേസുമായി സമീപിച്ചപ്പോള്‍കേസിലെ പ്രധാന രേഖകള്‍ കേരള പോലീസ് സിബിഐക്ക് കൈമാറിയിരുന്നില്ല. അതെസമയം നേരത്തെ കേസ് സുപ്രിംകോടതിയുടെ മുന്നില്‍ എത്തിയപ്പോള്‍ അന്വേഷണം സിബിഐയ്ക്ക് കൈമാറിയ ഹൈക്കോടതിയുടെ ഉത്തരവ് സ്റ്റേ ചെയ്യാന്‍ സുപ്രിംകോടതി വിസമ്മതിച്ചിരുന്നു.
