വരും ദിവസങ്ങളില്‍ മഴ ശക്തിപ്പെടും; ബംഗാള്‍ ഉള്‍ക്കടലില്‍ ന്യൂനമര്‍ദം രൂപപ്പെടാന്‍ സാധ്യത, ആറ് ജില്ലകളില്‍ ഓറഞ്ച് അലേര്‍ട്ട് പ്രഖ്യാപിച്ചു

User
0 0
Read Time:2 Minute, 38 Second

തിരുവനന്തപുരം : വരും ദിവസങ്ങളില്‍ മഴ ശക്തമാകാന്‍ സാധ്യതയെന്ന് കേന്ദ്ര കാലാവസ്ഥാ നിരീക്ഷണ കേന്ദ്രം. ബംഗാള്‍ ഉള്‍ക്കടലില്‍ ഇന്ന് ന്യൂനമര്‍ദ്ദം രൂപപ്പെടാന്‍ സാധ്യതയുള്ളതിനാല്‍ ഇത്തവണ മണ്‍സൂണ്‍ ചിലപ്പോള്‍ ശക്തമായേക്കുമെന്നും റിപ്പോര്‍ട്ടുണ്ട്. സംസ്ഥാനത്തെ ആറ് ജില്ലകളില്‍ ഓറഞ്ച് അലേര്‍ട്ട് നല്‍കിയിട്ടുണ്ട്. മത്സ്യത്തൊഴിലാളികള്‍ക്കും ജാഗ്രതാ നിര്‍ദ്ദേശം നല്‍കിയിട്ടുണ്ട്.

തിങ്കളാഴ്ച വരെ സംസ്ഥാനത്ത് ശക്തമായ മഴയ്ക്കും കാറ്റിനും സാധ്യതയെന്നാണ് കാലാവസ്ഥാ നിരീക്ഷണ കേന്ദ്രത്തിന്റെ മുന്നറിയിപ്പ്. കേരള- കര്‍ണാടക തീരത്തും ലക്ഷദ്വീപ് പ്രദേശങ്ങളിലും ഇന്ന് മുതല്‍ 14 വരെ വരെ മണിക്കൂറില്‍ 40 മുതല്‍ 50 കി.മീ. വരെ വേഗതയില്‍ വീശിയടിച്ചേക്കാവുന്ന ശക്തമായ കാറ്റിനു സാധ്യതയുണ്ടെന്ന് കേന്ദ്ര കാലാവസ്ഥ നിരീക്ഷണ കേന്ദ്രം അറിയിച്ചിട്ടുള്ളത്. ബംഗാള്‍ ഉള്‍ക്കടലില്‍ ന്യൂനമര്‍ദം രൂപപ്പെടാന്‍ സാധ്യത കാണുന്നു.

ന്യൂനമര്‍ദം ശക്തിപ്പെടുന്നത് താരതമ്യേന ദുര്‍ബലമായിരിക്കുന്ന മണ്‍സൂണ്‍ ശക്തമാവാന്‍ കാരണമാകും. പൊതുജനങ്ങള്‍ക്ക് കൂടുതല്‍ ജാഗ്രത മുന്നറിയിപ്പ് നല്‍കിയിട്ടുണ്ട്. കേരള തീരത്ത് ഉയര്‍ന്ന തിരമാലയ്ക്കും കടലാക്രമണത്തിനും സാധ്യതയുണ്ട്. കടല്‍ക്ഷോഭം രൂക്ഷമാകാന്‍ സാധ്യതയുള്ളതിനാല്‍ അപകട മേഖലകളില്‍നിന്ന് മാറി താമസിക്കണമെന്നും മുന്നറിയിപ്പുണ്ട്.

ശനിയാഴ്ച തിരുവനന്തപുരം, തൃശൂര്‍, പാലക്കാട് ജില്ലകള്‍ ഒഴികെ 11 ജില്ലകള്‍ക്ക് യെല്ലോ അലര്‍ട്ട് മുന്നറിയിപ്പ് നല്‍കി. മറ്റന്നാള്‍ തിരുവനന്തപുരം ഒഴികെ 13 ജില്ലകളിലും യെല്ലോ അലേര്‍ട്ടാണ് നല്‍കിയിരിക്കുന്നത്. 14 ന് ഇടുക്കിയിലും വടക്കന്‍ കേരളത്തിലെ അഞ്ച് ജില്ലകള്‍ക്കും ഓറഞ്ച് അലേര്‍ട്ട് മുന്നറിയിപ്പ് നല്‍കിയിട്ടുണ്ട്.

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published. Required fields are marked *

Next Post

മതപ്രചാരകര്‍ മറ്റു മതങ്ങളെ അവമതിക്കാന്‍ പാടില്ല; ഭഗവത്ഗീതയെ അവഹേളിച്ച പാസ്റ്റര്‍മാരുടെ ഹര്‍ജി തള്ളി ഹൈക്കോടതി

ബെംഗളൂരു: ഏതെങ്കിലും ഒരു മതത്തെ അവഹേളിക്കാന്‍ ഇതര മതങ്ങള്‍ക്ക് അവകാശമില്ലെന്ന് കര്‍ണാടക ഹൈക്കോടതി. ഏതെങ്കിലും ഒരു മതപ്രചാരകര്‍ മറ്റു മതങ്ങളെ അവമതിക്കാനും പാടില്ല, ജസ്റ്റിസ് എച്ച്‌.പി. സന്ദേശ് വിധിച്ചു. ഭഗവത്ഗീതയേയും ഖുറാനെയും അവഹേളിച്ച രണ്ടു പാസ്റ്റര്‍മാര്‍ക്കെതിരെ എടുത്ത കേസ് തള്ളാന്‍ വിസമ്മതിച്ചുള്ള വിധിയിലാണ് പരാമര്‍ശം. കേസ് തള്ളണമെന്നാവശ്യപ്പെട്ട് ഇവര്‍ നല്‍കിയ ഹര്‍ജിയാണ് ഹൈക്കോടതി തള്ളിയത്. തന്റെ മതം പ്രചരിപ്പിക്കുകയും അതിനെ ന്യായീകരിക്കുകയും ചെയ്യാം. പക്ഷെ, ഇതര മതങ്ങളെ അവര്‍ ഇകഴ്ത്തരുത്, കോടതി […]

You May Like

Subscribe US Now