0
0
കൊല്ലം: കൊല്ലത്ത് സ്ഥാനാര്‍ഥിയാകുമെന്നും ഔദ്യോഗിക അറിയിപ്പ് ലഭിച്ചുവെന്നും ഡിസിസി പ്രസിഡന്‍റ് ബിന്ദു കൃഷ്ണ. തെരഞ്ഞെടുപ്പ് പ്രചാരണം ഇന്ന് ആരംഭിക്കുമെന്നും ബിന്ദു കൃഷ്ണ വ്യക്തമാക്കി. .പി.സി. വിഷ്ണുനാഥ് കുണ്ടറയിലേക്ക് മാറും.
ഇന്നലെ പിസി വിഷ്ണുനാഥ് കൊല്ലത്ത് മത്സരിക്കുമെന്ന് റിപ്പോര്‍ട്ടുകള്‍ വന്നതിന് പിന്നാലെ, ബിന്ദുകൃഷ്ണയെ സ്ഥാനാര്‍ത്ഥിയാക്കണമെന്ന് ആവശ്യപ്പെട്ട് കൊല്ലം വാടി കടപ്പുറത്തെ മത്സ്യത്തൊഴിലാളികള്‍ ഡി സി സി ഓഫീസിലെത്തി വൈകാരിക രംഗങ്ങള്‍ സൃഷ്ടിച്ചിരുന്നു. കൂടാതെ ബിന്ദു കൃഷ്‌ണയ്‌ക്ക് സീറ്റ് ലഭിച്ചേക്കില്ലെന്ന വാര്‍ത്തകള്‍ക്ക് പിന്നാലെ ബ്ലോക്ക് – മണ്ഡലം കമ്മിറ്റി പ്രസിഡന്റുമാര്‍ രാജിവച്ചിരുന്നു. ബിന്ദുകൃഷ്ണയെ സ്ഥാനാര്‍ത്ഥിയാക്കിയില്ലെങ്കില്‍ ഒരൊറ്റ കോണ്‍ഗ്രസ് പ്രവര്‍ത്തകന്‍ പോലും പ്രവര്‍ത്തനത്തിന് ഇറങ്ങില്ലെന്ന് രാജിവച്ച നേതാക്കള്‍ പറഞ്ഞിരുന്നു. കൊല്ലത്തെ സ്ഥാനാര്‍ത്ഥിയായി ബിന്ദു കൃഷ്ണയെയാണ് പിന്തുണയ്ക്കുന്നതെന്ന് ഭൂരിഭാഗം ബ്ലോക്ക് മണ്ഡലം പ്രസിഡന്‍്റുമാരും യോഗത്തില്‍ പറഞ്ഞിരുന്നു.
