നടനും തിരക്കഥാകൃത്തുമായ പി ബാലചന്ദ്രന്‍ അന്തരിച്ചു

User
0 0
Read Time:2 Minute, 31 Second

കോട്ടയം | ​പ്രശസ്ത സിനിമാ- നാടക പ്രവര്‍ത്തകനും എഴുത്തുകാരനുമായ പി ബാലചന്ദ്രന്‍ അന്തരിച്ചു. 70 വയസായിരുന്നു. തിങ്കളാഴ്ച പുലര്‍ച്ചെ ആറിന്​ വൈക്കത്തെ വീട്ടിലായിരുന്നു അന്ത്യം. മസ്​തിഷ്​ക ജ്വരത്തെ തുടര്‍ന്ന് എട്ടുമാസത്തോളമായി​ ചികിത്സയിലായിരുന്നു. തിരക്കഥ രചയിതാവ്​ എന്ന നിലയിലാണ്​ മലയാള സിനിമയില്‍ തിളങ്ങിയത്​. കേരള സാഹിത്യ അക്കാദമി അവാര്‍ഡ്, കേരള ചലച്ചിത്ര അക്കാദമി അവാര്‍‍ഡ്, കേരള സംഗീതനാടക അക്കാദമി അവാര്‍ഡ് തുടങ്ങിയ പുരസ്കാരങ്ങള്‍ ലഭിച്ചിട്ടുണ്ട്.

ശാസ്‌താംകോട്ട ദേവസ്വം ബോര്‍ഡ് കോളജ്, പത്തനംതിട്ട കാതോലിക്കേറ്റ് കോളജ്, കൊല്ലം കര്‍മലറാണി ട്രെയിനിങ് കോളേജ്, തൃശൂര്‍ സ്‌കൂള്‍ ഓഫ് ഡ്രാമ എന്നിവിടങ്ങളില്‍ പഠനം. സ്കൂള്‍കാലത്തുതന്നെ അധ്യാപകര്‍ക്കൊപ്പം നാടകങ്ങളിലഭിനയിച്ചിരുന്നു. ഡിബി കോളജില്‍ ഡിഗ്രി ഒന്നാം വര്‍ഷം പഠിക്കുമ്ബോഴാണ് ആദ്യ നാടകമെഴുതിയത്. എംജി സര്‍വ്വകലാശാലയിലെ സ്കൂള്‍ ഓഫ് ലെറ്റേര്‍സില്‍ ലക്ചറര്‍ ആയാണ് അധ്യാപന ജീവിതത്തിന് തുടക്കം. 2012ല്‍ വിരമിച്ചു. സ്കൂള്‍ ഓഫ് ഡ്രാമയില്‍ കുറച്ചു കാലം ഗസ്‌റ്റ് ലക്‌ചററായും പ്രവര്‍ത്തിച്ചു. മകുടി, പാവം ഉസ്മാന്‍, മായാസീതാങ്കം, കല്യാണ സൗഗന്ധികം, മാറാമറയാട്ടം, തുടങ്ങി നിരവധി നാടകങ്ങള്‍ രചിച്ചിട്ടുണ്ട്. ഏകാകി, ലഗോ, ഒരു മധ്യവേനല്‍ പ്രണയരാവ്, ഗുഡ് വുമന്‍ ഓഫ് സെറ്റ്സ്വാന്‍, തീയറ്റര്‍ തെറാപ്പി, തുടങ്ങിയ നാടകങ്ങള്‍ സംവിധാനം ചെയ്തു.

അച്‌ഛന്‍ പരേതനായ പത്മനാഭപിള്ള. അമ്മ സരസ്വതിഭായി.വൈക്കം മുനിസിപ്പല്‍ കോര്‍പറേഷന്‍ ചെയര്‍പേഴ്​സണ്‍ ആയിരുന്ന ശ്രീലതയാണ്​ ഭാര്യ. ശ്രീകാന്ത്​, പാര്‍വതി എന്നിവരാണ്​ മക്കള്‍. സംസ്​കാരം ​വൈകിട്ട്​ മൂന്നുമണിക്ക്​ വൈക്കത്ത്​ വീട്ടുവളപ്പില്‍.

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published. Required fields are marked *

Next Post

ജവാന്മാരെ ആക്രമിച്ചത് 500 മാവോവാദികള്‍, റോക്കറ്റ് ലോഞ്ചറുകള്‍ ആയുധമാക്കി; പിന്നില്‍ മധ്വി ഹിദ്മ എന്ന ഗറില്ലാ കമാന്‍ഡര്‍

തെക്കന്‍ ബസ്തര്‍: ഛത്തീസ്ഗഢില്‍ മാവോയിസ്റ്റുകളുടെ ആക്രമണത്തില്‍ 24 ജവാന്മാരാണ് വീരമൃത്യു വരിച്ചത്. രണ്ടായിരത്തിലധികം സൈനികരെ വിന്യസിച്ചുകൊണ്ട് മാവോയിസ്റ്റ് സാന്നിദ്ധ്യമുള്ള മേഖല പൂര്‍ണ്ണമായും വളഞ്ഞിരിക്കുകയാണ് സൈന്യം. മാവോയിസ്റ്റുകള്‍ പതിയിരുന്ന് ആക്രമണം നടത്തുകയായിരുന്നു. ഇവിടങ്ങളിലാണ് സൈന്യം നിലയുറപ്പിച്ചിരിക്കുന്നത്. പീപ്പിള്‍സ് ലിബറേഷന്‍ ഗറില്ല ആര്‍മി (പി.എല്‍.ജി.എ.) ബറ്റാലിയനില്‍പ്പെട്ട മാവോവാദികളാണ് ശനിയാഴ്ച സൈന്യത്തിന് നേരെ മറഞ്ഞിരുന്ന് വെടിയുതിര്‍ത്തത്. 2 കിലോമീറ്റര്‍ ദൂരമുള്ള വനപാതയില്‍ വെച്ച്‌ ഒളിഞ്ഞിരുന്ന 500 ലധികം മാവോയിസ്റ്റുകളെ നേരിട്ടത് വെറും 200 സൈനികാരായിരുന്നു. അപ്രതീക്ഷിതമായ ഒളിയാക്രമണത്തില്‍ […]

You May Like

Subscribe US Now