പണി പോകും ! വൻകിടകമ്പനികളെല്ലാം  പിരിച്ചുവിടലിന്റെ വക്കിൽ…  

2023 തൊഴിലാളികൾ ഏറെ ഭയക്കേണ്ട വർഷമാണ് വരൻ പോകുന്നത്!

നിലവിലെ ട്രെൻഡ് അനുസരിച്ച്, കോർപ്പറേറ്റ് മേഖല 2023 ൽ വലിയ പിരിച്ചുവിടലുകൾക്ക് തന്നെ  സാക്ഷ്യം വഹിക്കാൻ സാധ്യതയുണ്ട്.

ഒന്നിന് പുറകെ ഒന്നായി കമ്പനികൾ  ജീവനക്കാരെ കൂട്ടത്തോടെ പിരിച്ചുവിടുന്നത് കണ്ടു  കോർപ്പറേറ്റ് ലോകം  തന്നെ  നടുങ്ങുകയാണ്

ആമസോണിന്റെ ചരിത്രത്തിൽ തന്നെ ആദ്യമായി   10,000 ജീവനക്കാരെയാണ്  കഴിഞ്ഞ ഒരാഴ്ച അവർ പിരിച്ചുവിട്ടത് .

എഡ്‌ടെക് സ്ഥാപനങ്ങളായ ബൈജൂസും അൺകാഡമിയും നൂറുകണക്കിന് തൊഴിലവസരങ്ങൾ വെട്ടിക്കുറച്ചു; സോഷ്യൽ മീഡിയ ഭീമനായ ട്വിറ്റർ ഇന്ത്യയിലെ പകുതിയിലധികം ജീവനക്കാരെ പിരിച്ചുവിട്ടു, 

സാമ്പത്തിക മാന്ദ്യത്തിന്റെ ഈ  രോഷത്തിൽ നിന്ന് കമ്പനിയുടെ ധനസ്ഥിതിയെ രക്ഷിക്കാൻ സിഇഒമാർ അനിവാര്യവും എന്നാൽ കഠിനവുമായ  ഈ നടപടികൾ   സ്വീകരിക്കാൻ തയാറാകുന്നു 

ഈ വർഷത്തിന്റെ രണ്ടാം പാദത്തിൽ ലോക സമ്പദ്‌വ്യവസ്ഥ  താഴോട്ട് പോകാൻ തുടങ്ങിയതുമുതൽ, വിതരണ ശൃംഖലയെ വൈവിധ്യവത്കരിക്കുക, ഡിജിറ്റൽ പരിവർത്തന സംരംഭങ്ങൾ നിർത്തുക, വൻതോതിലുള്ള പിരിച്ചുവിടലുകൾ നടത്തുക എന്നിങ്ങനെ കടുത്ത നടപടികൾ ബിഗ്-ടെക് കമ്പനികൾ കൊണ്ടുവന്നിട്ടുണ്ട്. 

സാമ്പത്തിക മാന്ദ്യം അടുത്ത 12 മാസത്തിനുള്ളിൽ കമ്പനിയുടെ വരുമാനത്തിന്റെ  10% വരെ ബാധിക്കുമെന്ന് ആഗോളതലത്തിൽ 71% സിഇഒമാരും പ്രവചിക്കുന്നു. അതിനാൽ നിലവിലെ പ്രവണതയിൽ. 2023-ൽ പിരിച്ചുവിടൽ തുടരാൻ സാധ്യതയുള്ള  10 കമ്പനികൾ നമ്മൾ താഴെ ചർച്ച ചെയുന്നു .

1.Snap Chat

പിരിച്ചുവിടലുകളും ചെലവ് ചുരുക്കൽ നടപടികളും വാർഷികാടിസ്ഥാനത്തിൽ 500 മില്യൺ ഡോളർ പണച്ചെലവ് ലാഭിക്കുമെന്ന് സ്നാപ്പ്ചാറ്റ്  മുമ്പ് പറഞ്ഞിരുന്നു.

ചെലവ് കുറയ്ക്കുന്നതിനായി 20% തൊഴിലാളികളെ അതായത്  1,280-ലധികം പേരെ snap  പിരിച്ചുവിട്ടിരുന്നു.ഇനിയും പിരിച്ചുവിടൽ തുടരുമെന്നാണ് പ്രതീക്ഷിക്കുന്നത് .

2.Better.com

ഒരു സൂം കോളിന്റെ പേരിൽ നൂറുകണക്കിന് ജീവനക്കാരെ പിരിച്ചുവിട്ടതിന് കഴിഞ്ഞ വർഷം ശ്രദ്ധയിൽപ്പെട്ട ഡിജിറ്റൽ മോർട്ട്ഗേജ് ലെൻഡർ ആണ്  Better.com, ഇപ്പോൾ അതിന്റെ നാലാം റൗണ്ട് പിരിച്ചുവിടൽ നടത്തുകയാണ്. വെറും 8 മാസത്തിനുള്ളിൽ, സ്ഥാപനം ആയിരക്കണക്കിന് തൊഴിലാളികളെ പിരിച്ചുവിടുകയും നിരവധി മുതിർന്ന എക്സിക്യൂട്ടീവുകൾ സ്ഥാനമൊഴിയുകയും ചെയ്തു.

ഈ വർഷം ഏപ്രിലിൽ 1,200 മുതൽ 1,500 വരെ ജീവനക്കാരെയും അടുത്ത കുറച്ച് മാസങ്ങൾക്കുള്ളിൽ  ഇന്ത്യയിലും യുഎസിലും ജോലി ചെയ്യുന്ന 3,100 പേരെയും ഇവർ ഒഴിവാക്കും  .

3.Meta

സാമ്പത്തിക മാന്ദ്യം മോശമായി ബാധിച്ച പ്രധാന ബിഗ്-ടെക് കമ്പനികളിലൊന്നാണ് മെറ്റ, അതിന്റെ മൊത്തം ആസ്തി പകുതിയോളം എത്തിയിരിക്കുന്നു. അടുത്തിടെ നടന്ന ഒരു നവീകരണത്തിൽ, ജീവനക്കാരുടെ 13% വരുന്ന 11,000 ജീവനക്കാരെ മെറ്റാ പിരിച്ചുവിട്ടു. 

4.Apple

ആപ്പിളിന്റെ നിലവിലെ ബിസിനസ് ആവശ്യങ്ങളിൽ വന്ന മാറ്റങ്ങൾ കാരണം ഒരുപാട് തൊഴിലാളികളെ പിരിച്ചുവിട്ടു .പിരിച്ചുവിട്ടലിന്റെ എണ്ണം ഇനിയും കൂടുമെന്നാണ് റിപ്പോർട്ട്. ബ്ലൂംബെർഗ് ന്യൂസിന്റെ സമീപകാല റിപ്പോർട്ട് അനുസരിച്ച് ആപ്പിൾ അതിന്റെ റിക്രൂട്ടിംഗ് ഡിവിഷനിലെ നൂറോളം കരാർ തൊഴിലാളികളെ അടുത്തിടെ പിരിച്ചുവിട്ടുകയുണ്ടായി .

5.Twiter

മസ്‌കിന്റെ ഉടമസ്ഥതയിലുള്ള ട്വിറ്ററിന് ഇതിനകം തന്നെ അതിന്റെ തൊഴിലാളികളുടെ വലിയൊരു ഭാഗം നഷ്ടപ്പെട്ടു, അദ്ദേഹത്തിന്റെ പ്രസ്താവനകൾ അനുസരിച്ച്, 2023 വരെ കൂടുതൽ പിരിച്ചുവിടലുകൾ തുടരുമെന്ന് വ്യക്തമാണ്. ഒരു പുതിയ “ഹാർഡ് കോർ” തൊഴിൽ അന്തരീക്ഷത്തിലേക്ക് തൊഴിലാളികൾ പ്രതിജ്ഞാബദ്ധരാകണമെന്ന് എലോൺ മസ്‌ക് ആവശ്യപ്പെട്ടതിനെത്തുടർന്നാണ് തൊഴിലാളികൾ പിരിഞ്ഞുപോയത് . രണ്ടാഴ്‌ചയ്‌ക്കുള്ളിൽ 3,700-ലധികം ആളുകളെ കമ്പനി പുറത്താക്കി, കൂടാതെ ഒരു കൂട്ടം ഉന്നത എക്‌സിക്യൂട്ടീവുകൾ രാജിവച്ചു. 

6.Amazon

ഹൈദരാബാദിൽ ഒമ്പത് ഏക്കർ കാമ്പസും കർണാടകയിലും തമിഴ്‌നാട്ടിലും നിരവധി ഓഫീസുകളുള്ള ഇന്ത്യയിലെ തന്നെ  ഏറ്റവും വലിയ ബഹുരാഷ്ട്ര തൊഴിലുടമകളിൽ ഒന്നാണ് ആമസോൺ.ഇതിനോടകം തന്നെ  10,000 ജീവനക്കാരെ  പിരിച്ചുവിട്ട കമ്പനി  2023-ൽ ഡാറ്റ സയന്റിസ്റ്റുകൾക്കും സോഫ്റ്റ്‌വെയർ ഡെവലപ്‌മെന്റ് ടീമുകൾക്കും വേണ്ടി പ്രവർത്തിക്കുന്ന 260 തൊഴിലാളികളെയും കൂടെ  പിരിച്ചുവിടുമെന്നു    കാലിഫോർണിയയിലെ പ്രാദേശിക അധികാരികൾ കഴിഞ്ഞ ചൊവ്വാഴ്ച പ്രഖ്യാപിക്കുകയുണ്ടായി .

7.Shopify

Shopify അതിന്റെ 10% ജീവനക്കാരെ ജൂൺ മാസത്തിൽ പിരിച്ചുവിട്ടു. കോവിഡിന് ശേഷമുള്ള അമിത തൊഴിൽനിയമനം  വളരെ തെറ്റായതായി അതിന്റെ സിഇഒ വ്യക്തമാക്കി. വിൽപ്പനയിൽ ആനുപാതികമായ വർദ്ധനവ് പ്രതീക്ഷിച്ചാണ് താൻ നിയമനം വർധിപ്പിച്ചതെന്ന് അദ്ദേഹം പറഞ്ഞു. ഇപ്പോൾ മാർക്കറ്റ് മറ്റൊരു വഴിത്തിരിവായതിനാൽ ജീവനക്കാരെ പിരിച്ചുവിടേണ്ടി വന്നതായി അദ്ദേഹം കൂട്ടിച്ചേർത്തു . 2023ൽ സാമ്പത്തിക സ്ഥിതി മോശമായാൽ കൂടുതൽ ജീവനക്കാരെ കമ്പനി പിരിച്ചുവിട്ടേക്കാം.

8.Microsoft

 ഒരു ആക്‌സിയോസ് റിപ്പോർട്ട് അനുസരിച്ച്, പുനർക്രമീകരണത്തിന്റെ ഭാഗമായി ജൂലൈ മാസത്തിൽ, 1,800 ജീവനക്കാരെയും ഓഗസ്റ്റിൽ 200 പേരെയും അടുത്തിടെ 1,000 പേരെയും മൈക്രോസോഫ്റ്റ് കമ്പനി   പിരിച്ചുവിട്ടു. 

പിരിച്ചുവിട്ട ജീവനക്കാരിൽ കരാർ തൊഴിലാളികളും, നഷ്ടപ്പെട്ട ഉപഭോക്താക്കളെ തിരിച്ചുപിടിക്കാൻ 2018-ൽ രൂപീകരിച്ച മോഡേൺ ലൈഫ് എക്സ്പീരിയൻസ് ഗ്രൂപ്പിലെ അംഗങ്ങളും ഉൾപ്പെടുന്നു. പിരിച്ചുവിടപ്പെട്ട ജീവനക്കാരുടെ എണ്ണം വളരെ ചെറിയ ശതമാനമാണെങ്കിലും, അവർ സാമ്പത്തിക സമ്മർദ്ദത്തിന് അടിമപ്പെടാനുള്ള സാധ്യത വളരെ കൂടുതലാണ്.

9.Netflix

സ്ട്രീമിംഗ്  ഭീമമാന്മാരായ നെറ്ഫ്ലിസ് അവരുടെ 4 % തൊഴിലാളികളെ ഇതിനോടകം തന്നെ പിരിച്ചുവിട്ടു .ഈ  ഫെബ്രുവരിയിൽ ഇവർക്ക്  ഏകദേശം 20,000 സബ്‌സ്‌ക്രൈബർമാരെ നഷ്ടപ്പെട്ടു, കൂടാതെ അതിന്റെ പ്രേക്ഷക അടിത്തറയിൽ കൂടുതൽ ഇടിവും വന്നതിന്റെ ഭാഗമായാണ് ഈ പിരിച്ചുവിടൽ .ജൂണിൽ ജീവനക്കാരുടെ എണ്ണം 300 ആയി കുറച്ചതിന് ശേഷം, റവന്യൂ ചെലവുകൾ  ക്രമീകരണം നടത്തുന്നതിന്റെ ഭാഗമായി  150 ജോലിക്കാരെ വീണ്ടും വെട്ടിക്കുറച്ചു 

10.Google

ലോകത്തിലെ നമ്പർ വൺ സെർച്ച് എഞ്ചിനായ ഗൂഗിളും പിരിച്ചുവിട്ടലിന്റെ പാതയിലാണ് .ഒരു പുതിയ പെർഫോമൻസ് മാനേജ്‌മെന്റ് സിസ്റ്റം നടപ്പിലാക്കുന്നതിന്റെ ഭാഗമായി ഗൂഗിൾ അതിന്റെ   6% തൊഴിലാളികളെ പിരിച്ചുവിടാൻ പദ്ധതിയിടുന്നു  അത് ഏകദേശം  10000 ത്തോളം ആളുകൾ വരും .

അടുത്ത വർഷം മുതൽ മോശം പ്രകടനം കാഴ്ചവയ്ക്കുന്ന ജീവനക്കാരെ ഒഴിവാക്കാൻ  ഇത് മാനേജർമാരെ പ്രാപ്തരാക്കും. ജീവനക്കാരുടെ ബോണസും സ്റ്റോക്ക് ഗ്രാന്റുകളും നൽകുന്നത് ഒഴിവാക്കുന്നതിനുള്ള ഒരു മാർഗമായും ഈ സംവിധാനം ഗൂഗിൾ പ്രയോജനപ്പെടുത്താൻ പോകുന്നു  എന്നാണ് റിപോർട്ടുകൾ 

എന്തായാലും വേറെയും  ഒരുപാട് കമ്പനികൾ  പിരിച്ചുവിടലിന്റെ വക്കിൽ തന്നെയാണ് .. സ്വന്തമായി ഒരു സംരംഭമോ സ്‌ഥിരമായി  ഒരു ജോലിയോ ഇല്ലെങ്കിൽ  ഇനി  കാര്യങ്ങളെല്ലാം ഗുദ ഹവ്വാ ……